Könnun um Sumartónleika í Skálholti
|
Við yrðum afar þakklát ef þú tækir þér tíma til þess að taka þátt í könnun um Sumartónleika í Skálholti. Okkur langar til þess að átta okkur betur á þeim hópi sem sækir tónleikana og hvernig við getum gert Sumartónleika enn betri. Það tekur bara örfáar mínútur. Öll svörin þín eru nafnlaus. |
Mynd: Þórgunnur Þórsdóttir
|
Nýir listrænir stjórnendur og framkvæmdastjórar Sumartónleika í Skálholti
Stjórn Sumartónleika í Skálholti hefur ráðið Ásbjörgu Jónsdóttur og Birgit Djupedal til starfa sem listræna stjórnendur og framkvæmdastjóra fyrir 2020 og 2021. Næstu Sumartónleikar fara fram 1.-12. júlí 2020 í Skálholti.
Ásbjörg og Birgit starfa báðar sjálfstætt sem tónskáld, flytjendur og kórstjórnendur. Þær kynntust í meistaranámi við Listaháskóla Íslands árið 2016 og hafa síðan unnið að margvíslegum verkefnum saman, bæði skapandi og stjórnunartengdum.
Ásbjörg hefur fjölbreyttan bakgrunn í tónlist en hún stundaði tónsmíðar við Listaháskóla Íslands og við Hartt School of Music í Bandaríkjunum en hefur einnig stundað jazznám við FÍH og sinnt rannsóknum á jazztónlist. Ásbjörg starfar sem barnakórstjóri við Guðríðarkirkju og kennir við Listaskóla Mosfellsbæjar.
Birgit er frá Bodø í Norður-Noregi. Hún bjó á Íslandi frá 2016-2019 en er nýflutt aftur til Noregs. Birgit nýtir hvert tækifæri til að koma til Íslands en tekur einnig virkan þátt í íslensku samfélagi í Osló þar sem hún stýrir íslenska kórnum - Ískórinn. Hún hefur bakgrunn í tónlistarfræðum, kirkjutónlist og tónsmíðum auk þess að hafa stundað nám í menningartengdri nýsköpun.
Ásbjörg og Birgit hlakka til að hefja störf og eru þakklátar stjórn Sumartónleika í Skálholti fyrir tækifærið. Þær vilja viðhalda og virða langa hefð Sumartónleika en einnig brydda upp á einhverjum nýjungum. Fyrir tónleikana í sumar verður „opið kall” þar sem listamenn geta sótt um að taka þátt í Sumartónleikum. Þar verður hægt að sækja um að vera með heila tónleika, vinnustofur eða tónleika fyrir börn, fyrirlestra og sem staðartónskáld. Hægt verður að sækja um frá 3.- 17. febrúar næstkomandi og frekari upplýsingar verður að finna á heimasíðu okkar og á samfélagsmiðlum.
Ásbjörg og Birgit starfa báðar sjálfstætt sem tónskáld, flytjendur og kórstjórnendur. Þær kynntust í meistaranámi við Listaháskóla Íslands árið 2016 og hafa síðan unnið að margvíslegum verkefnum saman, bæði skapandi og stjórnunartengdum.
Ásbjörg hefur fjölbreyttan bakgrunn í tónlist en hún stundaði tónsmíðar við Listaháskóla Íslands og við Hartt School of Music í Bandaríkjunum en hefur einnig stundað jazznám við FÍH og sinnt rannsóknum á jazztónlist. Ásbjörg starfar sem barnakórstjóri við Guðríðarkirkju og kennir við Listaskóla Mosfellsbæjar.
Birgit er frá Bodø í Norður-Noregi. Hún bjó á Íslandi frá 2016-2019 en er nýflutt aftur til Noregs. Birgit nýtir hvert tækifæri til að koma til Íslands en tekur einnig virkan þátt í íslensku samfélagi í Osló þar sem hún stýrir íslenska kórnum - Ískórinn. Hún hefur bakgrunn í tónlistarfræðum, kirkjutónlist og tónsmíðum auk þess að hafa stundað nám í menningartengdri nýsköpun.
Ásbjörg og Birgit hlakka til að hefja störf og eru þakklátar stjórn Sumartónleika í Skálholti fyrir tækifærið. Þær vilja viðhalda og virða langa hefð Sumartónleika en einnig brydda upp á einhverjum nýjungum. Fyrir tónleikana í sumar verður „opið kall” þar sem listamenn geta sótt um að taka þátt í Sumartónleikum. Þar verður hægt að sækja um að vera með heila tónleika, vinnustofur eða tónleika fyrir börn, fyrirlestra og sem staðartónskáld. Hægt verður að sækja um frá 3.- 17. febrúar næstkomandi og frekari upplýsingar verður að finna á heimasíðu okkar og á samfélagsmiðlum.
