Elfa Rún, Hugi og Sigurður Sumartónleikar í Skálholtskirkju hafa verið tilnefndir til Íslensku tónistarverðlaunanna sem tónlistarviðburður ársins.
Sumartónleikar hafa á síðastliðnum áratugum tekið þátt í fjölmörgum verkefnum sem hafa hlotið verðlaunin, t.d. vegna tónlistar sem pöntuð hefur verið af Sumartónleikum, verk sem hafa verið frumlutt, æfð eða hljóðrituð á hátíðinni, auk þess sem Helga Ingólfsdóttir, stofnandi Sumartónleika, hlaut heiðursverðlaun fyrir frumkvöðlastarf við uppbyggingu hátíðarinnar.
Sigurður Halldórsson, listrænn stjórnandi Sumartónleika í Skálholtskirkju, lætur af störfum um áramótin eftir 10 ára skeið. Hann kveður þó ekki fyrir fullt og allt, því hann mun eiga sæti í nýskipuðu listrænu teymi sem annast mun listræna stefnumótun hátíðarinnar. Í því eru auk Sigurðar, Elfa Rún Kristinsdóttir, fiðluleikari, og Hugi Guðmundsson, tónskáld. Auk þess að standa fyrir dagskrá og listrænni stefnu hátíðarinnar verða meðlimir listræna teymisins virkir sem flytjendur, tónskáld eða leiðbeinendur vinnustofa á hátíðinni. Þorgerður Edda Hall, sem gengt hefur stöðu framkvæmdastjóra Sumartónleika síðastliðin tvö ár, mun stýra hátíðinni. Listræna teymið átti sinn fyrsta sameiginlega fund í Kaupmannahöfn í lok september þar sem línurnar voru lagðar fyrir næstu þrjú árin.
Í tengslum við þessar breytingar stóð Hollvinafélag Sumartónleika fyrir málþingi í Skálholti um framtíð hátíðarinnar 10. júlí sl. Vel var mætt á málþingið og sýndu stuðningsmenn Sumartónleika hversu mikilvæg hátíðin er fyrir stóran hóp fólks, auk þess sem rætt var mikilvægi fræðslugildis og sérstöðu hátíðarinnar. Tóku málþingsgestir vel í breytingartillögur á rekstrarformi hátíðarinnar, sem stjórn Sumartónleika samþykkti í framhaldinu.
Það er von okkar að nýtt listræna teymið hleypi nýju blóði í Sumartónleika í Skálholtskirkju, m.a. með aukinni áherslu á ungt tónlistarfólk. Þó verður meginstefnu Sumartónleika frá upphafi haldið í heiðri, með áræðni og metnað í dagskrárgerð sem eitt af meginmarkmiðunum. Hátíðin verður áfram vettvangur fyrir upprunalegan tónlistarflutning, nýsköpun og fræðslustarf og verður opin fyrir nýjum áheyrendum. Verða starfræktar tónlistarbúðir þar sem ungt tónlistarfólk fær tækifæri til að vinna að krefjandi verkefnum og njóta reynslu færustu listamanna víða að úr heiminum. Eins verður áhersla lögð á að efla samstarf hátíðarinnar við Skálholtsstað og að taka þátt í áframhaldandi alþjóðasamstarfi, s.s. Nordic Early Music Federation (NORDEM). Ofangreind markmið eru þó háð því að hátíðin fái fjárhagslegt svigrúm til þess að framkvæma þau. Þrengt hefur mjög að fjárhag hátíðarinnar á undanförnum árum þrátt fyrir að hún hljóti ítrekað ótvíræða viðurkenningu á tilvist sinni, sbr. tilnefninguna til Íslensku tónlistarverðlaunanna og Eyrarrósina 2011 svo fátt eitt sé nefnt.
Sumartónleikar hafa á síðastliðnum áratugum tekið þátt í fjölmörgum verkefnum sem hafa hlotið verðlaunin, t.d. vegna tónlistar sem pöntuð hefur verið af Sumartónleikum, verk sem hafa verið frumlutt, æfð eða hljóðrituð á hátíðinni, auk þess sem Helga Ingólfsdóttir, stofnandi Sumartónleika, hlaut heiðursverðlaun fyrir frumkvöðlastarf við uppbyggingu hátíðarinnar.
Sigurður Halldórsson, listrænn stjórnandi Sumartónleika í Skálholtskirkju, lætur af störfum um áramótin eftir 10 ára skeið. Hann kveður þó ekki fyrir fullt og allt, því hann mun eiga sæti í nýskipuðu listrænu teymi sem annast mun listræna stefnumótun hátíðarinnar. Í því eru auk Sigurðar, Elfa Rún Kristinsdóttir, fiðluleikari, og Hugi Guðmundsson, tónskáld. Auk þess að standa fyrir dagskrá og listrænni stefnu hátíðarinnar verða meðlimir listræna teymisins virkir sem flytjendur, tónskáld eða leiðbeinendur vinnustofa á hátíðinni. Þorgerður Edda Hall, sem gengt hefur stöðu framkvæmdastjóra Sumartónleika síðastliðin tvö ár, mun stýra hátíðinni. Listræna teymið átti sinn fyrsta sameiginlega fund í Kaupmannahöfn í lok september þar sem línurnar voru lagðar fyrir næstu þrjú árin.
Í tengslum við þessar breytingar stóð Hollvinafélag Sumartónleika fyrir málþingi í Skálholti um framtíð hátíðarinnar 10. júlí sl. Vel var mætt á málþingið og sýndu stuðningsmenn Sumartónleika hversu mikilvæg hátíðin er fyrir stóran hóp fólks, auk þess sem rætt var mikilvægi fræðslugildis og sérstöðu hátíðarinnar. Tóku málþingsgestir vel í breytingartillögur á rekstrarformi hátíðarinnar, sem stjórn Sumartónleika samþykkti í framhaldinu.
Það er von okkar að nýtt listræna teymið hleypi nýju blóði í Sumartónleika í Skálholtskirkju, m.a. með aukinni áherslu á ungt tónlistarfólk. Þó verður meginstefnu Sumartónleika frá upphafi haldið í heiðri, með áræðni og metnað í dagskrárgerð sem eitt af meginmarkmiðunum. Hátíðin verður áfram vettvangur fyrir upprunalegan tónlistarflutning, nýsköpun og fræðslustarf og verður opin fyrir nýjum áheyrendum. Verða starfræktar tónlistarbúðir þar sem ungt tónlistarfólk fær tækifæri til að vinna að krefjandi verkefnum og njóta reynslu færustu listamanna víða að úr heiminum. Eins verður áhersla lögð á að efla samstarf hátíðarinnar við Skálholtsstað og að taka þátt í áframhaldandi alþjóðasamstarfi, s.s. Nordic Early Music Federation (NORDEM). Ofangreind markmið eru þó háð því að hátíðin fái fjárhagslegt svigrúm til þess að framkvæma þau. Þrengt hefur mjög að fjárhag hátíðarinnar á undanförnum árum þrátt fyrir að hún hljóti ítrekað ótvíræða viðurkenningu á tilvist sinni, sbr. tilnefninguna til Íslensku tónlistarverðlaunanna og Eyrarrósina 2011 svo fátt eitt sé nefnt.