Bachelsi
Á Sumartónleikum í Skálholti verður boðið upp á tvenna fjölskyldutónleika. Þangað bjóðum við börn á öllum aldri velkomin ásamt fjölskyldum þeirra og vinum. Það gleður okkur að segja frá því að fiðludúettinn Bachelsi spilar fyrir okkur þann 12. júlí.
Á efnisskránni verða bæði þekkt verk auk minna þekktra gersema, en á tónleikunum verður lögð áhersla á tónlist eftir J.S. Bach og Önnu Magdalenu Bach, eiginkonu hans. Tónleikarnir verða barnamiðaðir, þar sem nýjar leiðir verða farnar til þess að gera tónverk Bachs aðgengilegri fyrir yngri kynslóðina. Auk þess verður boðið upp á þátttöku / samtal um tónlistina og leikið svolítið með hana.
Sunnudagur 12. júlí
14:00 - Fjölskyldutónleikar: Bachelsi
Á efnisskránni verða bæði þekkt verk auk minna þekktra gersema, en á tónleikunum verður lögð áhersla á tónlist eftir J.S. Bach og Önnu Magdalenu Bach, eiginkonu hans. Tónleikarnir verða barnamiðaðir, þar sem nýjar leiðir verða farnar til þess að gera tónverk Bachs aðgengilegri fyrir yngri kynslóðina. Auk þess verður boðið upp á þátttöku / samtal um tónlistina og leikið svolítið með hana.
Sunnudagur 12. júlí
14:00 - Fjölskyldutónleikar: Bachelsi
Mynd: Sonja Nikulásdóttir
Fiðluleikararnir Ingibjörg Ásta og Sólrún Ylfa mynda saman tvíeykið Bachelsi. Þær hafa tekið fyrir tónlist eftir J. S. Bach, sem hann samdi fyrir ýmis hjóðfæri s.s. orgel, píanó, gítar o.fl. og snarað verkunum yfir í útsetningar fyrir tvær fiðlur. Þær hafa spilað saman í mörg ár en þær voru samferða í tónlistarnámi í Tónskóla Sigursveins auk þess að hafa unnið í Skapandi sumarstörfum árið 2018 sem dúettinn Bachelsi. Þar langaði þær til að yfirfæra þessar gömlu hugmyndir barokktímans í nútímabúning, með ýmsum leiðum. Bachelsi hefur komið víða við, t.d. haldið tónleika í Sundlaug Kópavogs, á nokkrum leikskólum og dvalarheimilum, auk þess að hafa tekið þátt í ýmsum listviðburðum á borð við Sælugauk. Dúettinn hélt einnig tónleika á Gerðarsafni í lok sumars 2018, þar sem boðið var upp á bakkelsi að loknum tónleikum.