|
Bára GísladóttirBára Gísladóttir er tónskáld og kontrabassaleikari, búsett í Kaupmannahöfn þar sem hún leggur stund á Sólistanám (e. advanced post graduate diploma) í tónsmíðum við Kondunglegu Dönsku Tónlistarakademíuna undir leiðsögn Niels Rosing-Schow og Jeppe Just Christensen en hún lauk einnig Meistaraprófi við sömu stofnun. Þar áður nam hún tónsmíðar á framhaldsstigi undir handleiðslu Gabriele Manca við Verdi-akademíuna í Mílanó og lauk Bakkalárprófi við Listaháskóla Íslands hjá Hróðmari I. Sigurbjörnssyni og Þuríði Jónsdóttur.
Bára hefur verið fulltrúi Íslands á Alþjóða tónskáldaþinginu, Norrænum músíkdögum og Ung Nordisk Musik. Bára hefur hlotið Léonie Sonning-hæfileikaverðlaunin og tónlistarverðlaun Reykjavík Grapevine fyrir tónsmíðar sínar og hefur jafnframt verið tilnefnd til íslensku tónlistarverðlaunanna. Bára hefur gefið út þrjár plötur; Different Rooftops árið 2015, með verkum fyrir rödd, tenórsaxófón, kontrabassa og rafhljóð, B R I M S L Ó Ð árið 2016, verk í þremur hlutum fyrir kontrabassa og rafhljóð, og Mass for some árið 2017, fyrir rödd, kontrabassa og rafhljóð. Um þessar mundir vinnur hún að gerð nýrrar plötu með Skúla Sverrissyni auk sinnar fjórðu sólóplötu. Bára leikur reglulega eigin tónlist en auk þess leikur hún með strengjasveitinni SKARK og kammersveitinni Elju. Þá hefur hún einnig komið fram með S.L.Á.T.U.R. og Sinfóníuhljómsveit Íslands. |
Um verkið |
the worlds within our petty voids var samið fyrir Ensemble Recherche vorið 2019. Meginmarkmið verksins er að sameina tréblásara og strengi í samskonar áferð með framlengdri tækni hljóðfæranna, þá fyrst og fremst í formi yfirtóna, klaufhljómar (en. multiphonics) og almennt loftkenndrar áferðar. Allt er þetta sprottið út frá grunnhugmynd verksins, þ.e. ef til væru margslungnir heimar í alls kyns tómarúmum.
Verkið var styrkt af Tónskáldasjóði RÚV og Stefs. |